Уҡыусылар!!!

     Был биттә беҙ һеҙҙең менән башҡортса төрлө проект эштәре башҡарырбыҙ. Ниндәй ҙә булһа һеҙҙе ҡыҙыҡһындырған бер һорау буйынса төрлө сығанаҡтарҙан мәғлүмәт эҙләп, уны башҡалар менән бүлешеү- проект эше, тип атала.

     Проект эше һеҙҙе үҙ аллы белем алырға өйрәтер, тормошта килеп тыуған һорауҙарға яуап көтөп ултырмаҫҡа, уны эҙләп табып, дөрөҫ файҙаланырға өйрәнерһегеҙ. Уны  үҙ аллы ла, иптәштәрегеҙ менән бергәләшеп тә эшләргә мөмкин.

     Иң беренсе һеҙ тема һайлайһығыҙ, һуңынан маҡсат ҡуйып, эшегеҙҙе планлаштыраһығыҙ ҙа, мәғлүмәттәр эҙләй башлайһығыҙ. Эҙләп тапҡан мәғлүмәтте реферат формаһында яҙып, йә папка-раскладушка эшләп, йә копьютерҙа презентация, виоролик эшләп, плакатҡа һүрәт төшөрөп, фотолар, схемалар ярҙамында ла күрһәтә алаһығыҙ. Бына ошо килеп сыҡҡан эш- проект эше, тип атала ла инде.

    Өлгө итеп  бер нисә проект эше тәҡдим итәм. Килеп сыҡҡан эшегеҙ менән ошо биттә уртаҡлашыуығыҙҙы һорайым. Һеҙҙең эштәр барыһына ла файҙалы булыр, тип ышанам. Уңыштар!!!

Мөсәлимова Г.С.